Nærri átta þúsund almennir borgara látnir

Átök í Írak kostuðu 7,818 almenna borgara lífið á nýliðnu ári. Þetta er meira mannfall en sést hefur þar í landi árum saman.

Ef liðsmenn öryggissveita hers og lögreglu eru taldir með, þá nam mannfallið 8.868 manns.

Aukin harka hefur fæst í átökin síðustu átta mánuði. Ótti hefur því vaknað við að ástandið verði á ný eins og það var á árunum 2004 til 2007, þegar það var verst og kostaði tugi þúsunda lífið á hverju ári.

Samkvæmt samantekt Sameinuðu þjóðanna kostuðu átökin 759 manns lífið í desembermánuði einum, þar af 661 almennan borgara og 98 liðsmenn öryggissveita landsins. Að auki særðust 1345 manns í mánuðinum.

Umskiptin urðu í apríl þegar stjórn landsins, sem að megni til er skipuð sjía-múslimum, réðst til atlögu gegn mótmælendabúðum súnní-múslima. Árásir hafa síðan einkum beinst að sjía-múslimum.

Átökin í nágrannaríkinu Sýrlandi hafa magnað spennu milli sjía og súnnía, enda eru það að mestu súnníar sem standa þar í baráttu gegn stjórn alavítans Bashar al Husseins forseta.