Leik lokið: Grikkland - Ísland 2-3 | Loksins íslenskur sigur Eiríkur Stefán Ásgeirsson skrifar 29. mars 2016 19:15 Birkir Már Sævarsson í leiknum í Aþenu í kvöld. Vísir/AFP Ísland vann loksins sigur í landsleik á alþjóðlegum leikdegi er okkar menn höfðu betur gegn Grikkjum ytra, 3-2. Grikkir komust í 2-0 forystu í fyrri hálfeik eftir tvö ódýr mörk en Arnór Ingvi Traustason minnkaði muninn fyrir Ísland áður en flautað var til hálfleiks. Það var hans þriðja landsliðsmark í sex leikjum. Gylfi Þór Sigurðsson var einn fjögurra varamanna sem kom inn á í upphafi síðari hálfleiks og hann lagði upp bæði mörk Íslands í síðari hálfleik. Fyrst fyrir Sverri Inga Ingason og svo Kolbein Sigþórsson en mörkin voru bæði skoruð með skalla. Ísland spilaði á löngum köflum vel í leiknum en eins og áður reyndust einföld mistök liðinu dýr. Emil Hallfreðsson gaf vítaspyrnu um sem Kostas Fortounis skoraði úr á nítjándu mínútu en Grikkjar höfðu varla sótt að neinu ráði í leiknum fram að því. Heimamenn náðu hins vegar betri tökum á leiknum eftir það og á 31. mínútu skoraði Fortounis öðru sinni eftir mistök Sverris Inga, sem náði ekki að hreinsa boltann úr teignum. Strákarnir vöknuðu skyndilega til lífsins. Arnór Ingvi fékk færi til að minnka muninn stuttu eftir síðara mark Grikkja en skaut yfir. Hann bætti fyrir það á 34. mínútu er hann nýtti sér slæman varnarleik heimamanna og minnkaði muninn. Arnór Ingvi var svo óheppinn að skora ekki öðru sinni áður en fyrri hálfleikur var flautaður af en fast skot hans hafnaði í slánni. Keflvíkingurinn öflugi var einn þeirra sem var tekinn af velli en innkoma Gylfa Þórs átti eftir að breyta miklu. Birkir Bjarnason, Theodór Elmar Bjarnason og Kolbeinn komu einnig inn á og höfðu einnig góð áhrif á leikinn. Ísland spilaði mun betur en Grikkland í síðari hálfleik og strákarnir voru óheppnir að skora ekki fleiri mörk. Jón Daði Böðvarsson og Jóhann Berg Guðmundsson, sem var góður í kvöld, fengu færi til þess en allt kom fyrir ekki. Það þurfti föst leikatriði og hnitmiðaðar sendingar Gylfa til að búa til mörkin og það fyrra kom úr aukaspyrnu sem Sverrir Ingi afgreiddi í markið með góðum skalla. Það síðara kom eftir hornspyrnu og nú var það Kolbeinn sem skallaði boltanum í netið. Strákarnir voru heilt yfir mun öflugir í kvöld en gegn Dönum á fimmtudag og greinilegt að menn náðu að kvitta fyrir þann leik. Útlitið var dökkt í stöðunni 2-0 en Íslendingar héldu rónni og náðu hægt og rólega góðum tökum á leiknum. Þrátt fyrir að Grikkland hefur oft teflt fram sterkara liði í kvöld og það hafi sett svip sinn á leikinn hversu fáir áhorfendur voru á stórum leikvangi Olympiakos í kvöld verður að hrósa íslenska liðinu fyrir að koma til baka úr erfiðri stöðu og vinna langþráðan sigur. Miðverðirnir Sverrir Ingi og Hjörtur fengu tækifærið í kvöld og komust báðir mjög vel inn í leikinn eftir nokkuð slæma byrjun. Sverrir Ingi gaf mark og Hjörtur var einu sinni gripinn í bólinu þegar Grikkir komust í færi í fyrri hálfleik. Þeir skiluðu þó mjög góðu verki í síðari hálfleik og gaman að sjá Sverri Inga bæta fyrir mistökin með marki. Arnór Ingvi sýndi að þar er kominn góður kostur inn á miðju íslenska liðsins og miðað við frammistöðu hans í æfingaleikjum vetrarins verður að teljast líklegt að hann fari með á EM í sumar. Jóhann Berg átti sem fyrr segir góðan leik og Ari Freyr Skúlason sýndi sömuleiðis mikilvægi sitt í bakvarðastöðunni. Jón Daði og Viðar Kjartansson áttu erfitt uppdráttar framan af en Kolbeinn nýtti sínar mínútur vel og skoraði sigurmarkið - hans nítjánda landsliðsmark á ferlinum. Næsti leikur Íslands verður gegn Noregi í Ósló í lok maí. EM 2016 í Frakklandi Mest lesið Uppgjörið: Ísland - Belgía 64-71 | Ofboðslega svekkjandi tap hjá íslenska liðinu Körfubolti Vítaspyrna í uppbótartíma bjargaði United fyrir horn Enski boltinn Skýrsla Vals: Illt í sálinni Körfubolti Tuchel baðst afsökunar: „Ég ætti að vita betur“ Fótbolti „Langar helst að setjast hér niður og gráta“ Körfubolti Ófrískar afrekskonur með lifandi þyngingarvesti Sport Uppgjör: Valur-Inter 1-4 | Fanndís skoraði hjá Cecilíu en það dugði skammt Fótbolti Chelsea á toppnum eftir tvo umdeilda dóma Enski boltinn Myndasyrpa: Íslendingarnir máluðu bæinn bláan Körfubolti Vallarþulurinn fékk rauða spjaldið Fótbolti Fleiri fréttir Í beinni: Real Madrid - Mallorca | Áfram á sigurbraut undir Alonso? Aron Einar meiddur en Brynjólfur hleypur í skarðið Hákon skoraði í stórsigri Leik lokið: Þór/KA - Fram 1-2 | Lífið án Söndru Maríu Uppgjörið: Twente - Breiðablik 2-0 | Blikar á leið í Evrópubikarinn Grindvíkingar í bullandi fallhættu eftir tap á Húsavík Markalaust ómarkvert jafntefli á Elland Road Uppgjörið: FHL-Stjarnan 0-3 | Stjörnukonur sóttu þrjú stig austur Bournemouth stöðvaði sigurgöngu Tottenham og Grealish áfram í stuði Ísak skoraði en var á bekknum þegar liðið missti frá sér sigurinn Vítaspyrna í uppbótartíma bjargaði United fyrir horn Chelsea á toppnum eftir tvo umdeilda dóma Langþráður leikur Bryndísar Örnu Segja Manchester United skulda Antony 996 milljónir í laun Uppgjör: Valur-Inter 1-4 | Fanndís skoraði hjá Cecilíu en það dugði skammt Tuchel baðst afsökunar: „Ég ætti að vita betur“ Sjáðu mörkin hjá sex yngstu markaskorum í sögu Liverpool Vallarþulurinn fékk rauða spjaldið Skrautlegar aðstæður hjá Valsstelpunum á Ítalíu Auðveldara hjá Arsenal og Tottenham í Meistaradeildinni Hefur ekki gerst hjá enska landsliðinu í 33 ár Romano segir Real Betis hafa dregið samþykkt tilboð í Antony til baka Tommi Steindórs fór á kostum í framburðarprófi Fylkismenn með þriðja sigur sinn í röð Fyrsta tapið hjá Willum og félögum kom í Leicester Modric lagði upp í fyrsta sigri AC Milan Þróttur á toppinn eftir endurkomusigur en Njarðvík vann líka Brynjólfur með tvö í kvöld og er orðinn markahæstur í hollensku deildinni Tottenham borgar 8,6 milljarða fyrir Xavi Simons Tveir nýliðar en ekkert pláss fyrir Trent og Grealish Sjá meira
Ísland vann loksins sigur í landsleik á alþjóðlegum leikdegi er okkar menn höfðu betur gegn Grikkjum ytra, 3-2. Grikkir komust í 2-0 forystu í fyrri hálfeik eftir tvö ódýr mörk en Arnór Ingvi Traustason minnkaði muninn fyrir Ísland áður en flautað var til hálfleiks. Það var hans þriðja landsliðsmark í sex leikjum. Gylfi Þór Sigurðsson var einn fjögurra varamanna sem kom inn á í upphafi síðari hálfleiks og hann lagði upp bæði mörk Íslands í síðari hálfleik. Fyrst fyrir Sverri Inga Ingason og svo Kolbein Sigþórsson en mörkin voru bæði skoruð með skalla. Ísland spilaði á löngum köflum vel í leiknum en eins og áður reyndust einföld mistök liðinu dýr. Emil Hallfreðsson gaf vítaspyrnu um sem Kostas Fortounis skoraði úr á nítjándu mínútu en Grikkjar höfðu varla sótt að neinu ráði í leiknum fram að því. Heimamenn náðu hins vegar betri tökum á leiknum eftir það og á 31. mínútu skoraði Fortounis öðru sinni eftir mistök Sverris Inga, sem náði ekki að hreinsa boltann úr teignum. Strákarnir vöknuðu skyndilega til lífsins. Arnór Ingvi fékk færi til að minnka muninn stuttu eftir síðara mark Grikkja en skaut yfir. Hann bætti fyrir það á 34. mínútu er hann nýtti sér slæman varnarleik heimamanna og minnkaði muninn. Arnór Ingvi var svo óheppinn að skora ekki öðru sinni áður en fyrri hálfleikur var flautaður af en fast skot hans hafnaði í slánni. Keflvíkingurinn öflugi var einn þeirra sem var tekinn af velli en innkoma Gylfa Þórs átti eftir að breyta miklu. Birkir Bjarnason, Theodór Elmar Bjarnason og Kolbeinn komu einnig inn á og höfðu einnig góð áhrif á leikinn. Ísland spilaði mun betur en Grikkland í síðari hálfleik og strákarnir voru óheppnir að skora ekki fleiri mörk. Jón Daði Böðvarsson og Jóhann Berg Guðmundsson, sem var góður í kvöld, fengu færi til þess en allt kom fyrir ekki. Það þurfti föst leikatriði og hnitmiðaðar sendingar Gylfa til að búa til mörkin og það fyrra kom úr aukaspyrnu sem Sverrir Ingi afgreiddi í markið með góðum skalla. Það síðara kom eftir hornspyrnu og nú var það Kolbeinn sem skallaði boltanum í netið. Strákarnir voru heilt yfir mun öflugir í kvöld en gegn Dönum á fimmtudag og greinilegt að menn náðu að kvitta fyrir þann leik. Útlitið var dökkt í stöðunni 2-0 en Íslendingar héldu rónni og náðu hægt og rólega góðum tökum á leiknum. Þrátt fyrir að Grikkland hefur oft teflt fram sterkara liði í kvöld og það hafi sett svip sinn á leikinn hversu fáir áhorfendur voru á stórum leikvangi Olympiakos í kvöld verður að hrósa íslenska liðinu fyrir að koma til baka úr erfiðri stöðu og vinna langþráðan sigur. Miðverðirnir Sverrir Ingi og Hjörtur fengu tækifærið í kvöld og komust báðir mjög vel inn í leikinn eftir nokkuð slæma byrjun. Sverrir Ingi gaf mark og Hjörtur var einu sinni gripinn í bólinu þegar Grikkir komust í færi í fyrri hálfleik. Þeir skiluðu þó mjög góðu verki í síðari hálfleik og gaman að sjá Sverri Inga bæta fyrir mistökin með marki. Arnór Ingvi sýndi að þar er kominn góður kostur inn á miðju íslenska liðsins og miðað við frammistöðu hans í æfingaleikjum vetrarins verður að teljast líklegt að hann fari með á EM í sumar. Jóhann Berg átti sem fyrr segir góðan leik og Ari Freyr Skúlason sýndi sömuleiðis mikilvægi sitt í bakvarðastöðunni. Jón Daði og Viðar Kjartansson áttu erfitt uppdráttar framan af en Kolbeinn nýtti sínar mínútur vel og skoraði sigurmarkið - hans nítjánda landsliðsmark á ferlinum. Næsti leikur Íslands verður gegn Noregi í Ósló í lok maí.
EM 2016 í Frakklandi Mest lesið Uppgjörið: Ísland - Belgía 64-71 | Ofboðslega svekkjandi tap hjá íslenska liðinu Körfubolti Vítaspyrna í uppbótartíma bjargaði United fyrir horn Enski boltinn Skýrsla Vals: Illt í sálinni Körfubolti Tuchel baðst afsökunar: „Ég ætti að vita betur“ Fótbolti „Langar helst að setjast hér niður og gráta“ Körfubolti Ófrískar afrekskonur með lifandi þyngingarvesti Sport Uppgjör: Valur-Inter 1-4 | Fanndís skoraði hjá Cecilíu en það dugði skammt Fótbolti Chelsea á toppnum eftir tvo umdeilda dóma Enski boltinn Myndasyrpa: Íslendingarnir máluðu bæinn bláan Körfubolti Vallarþulurinn fékk rauða spjaldið Fótbolti Fleiri fréttir Í beinni: Real Madrid - Mallorca | Áfram á sigurbraut undir Alonso? Aron Einar meiddur en Brynjólfur hleypur í skarðið Hákon skoraði í stórsigri Leik lokið: Þór/KA - Fram 1-2 | Lífið án Söndru Maríu Uppgjörið: Twente - Breiðablik 2-0 | Blikar á leið í Evrópubikarinn Grindvíkingar í bullandi fallhættu eftir tap á Húsavík Markalaust ómarkvert jafntefli á Elland Road Uppgjörið: FHL-Stjarnan 0-3 | Stjörnukonur sóttu þrjú stig austur Bournemouth stöðvaði sigurgöngu Tottenham og Grealish áfram í stuði Ísak skoraði en var á bekknum þegar liðið missti frá sér sigurinn Vítaspyrna í uppbótartíma bjargaði United fyrir horn Chelsea á toppnum eftir tvo umdeilda dóma Langþráður leikur Bryndísar Örnu Segja Manchester United skulda Antony 996 milljónir í laun Uppgjör: Valur-Inter 1-4 | Fanndís skoraði hjá Cecilíu en það dugði skammt Tuchel baðst afsökunar: „Ég ætti að vita betur“ Sjáðu mörkin hjá sex yngstu markaskorum í sögu Liverpool Vallarþulurinn fékk rauða spjaldið Skrautlegar aðstæður hjá Valsstelpunum á Ítalíu Auðveldara hjá Arsenal og Tottenham í Meistaradeildinni Hefur ekki gerst hjá enska landsliðinu í 33 ár Romano segir Real Betis hafa dregið samþykkt tilboð í Antony til baka Tommi Steindórs fór á kostum í framburðarprófi Fylkismenn með þriðja sigur sinn í röð Fyrsta tapið hjá Willum og félögum kom í Leicester Modric lagði upp í fyrsta sigri AC Milan Þróttur á toppinn eftir endurkomusigur en Njarðvík vann líka Brynjólfur með tvö í kvöld og er orðinn markahæstur í hollensku deildinni Tottenham borgar 8,6 milljarða fyrir Xavi Simons Tveir nýliðar en ekkert pláss fyrir Trent og Grealish Sjá meira