Henderson: Við gáfum allt sem við áttum

Dagur Lárusson skrifar 12. maí 2019 22:00

Jordan Henderson, fyrirliði Liverpool, var að vonum vonsvikinn eftir úrslit dagsins í ensku úrvalsdeildinni en Liverpool þurfti að sætta sig við annað sætið. Hann ræddi við íþróttadeild eftir leikinn.

Liverpool endaði tímabilið með 97 stig, sem hefði dugað liðinu öll önnur tímabil, nema í fyrra, til þess að vinna ensku úrvalsdeildina.

„Mér líður auðvitað alls ekki vel, og það er erfitt að sætta sig við þetta en þegar allt kemur til alls þá vitum við það að við gáfum allt sem við áttum.”

„En ég held að þegar við lítum til baka að þá verðum við að vera stoltir af því sem við höfum gert. Við höfum verið frábærir í allan vetur og þess vegna sjáum við í rauninni ekki eftir neinu. City eru líka búnir að vera frábærir, og ég óska þeim til hamingju.”

Jurgen Klopp og Trent Alexander-Arnoldvísir/getty

Henderson segir sjálfur að hann hafi haft trú á að liðið myndi lyfta titlinum í dag eftir úrslitin í miðri viku í Meistaradeildinni.

„Já auðvitað, en við vorum auðvitað að vonast eftir frekar miklu, en í fótbolta þá veistu aldrei hvað getur gerst og við héldum að ef við myndum vinna okkar leik að þá gæti hvað sem er gerst, en því miður varð ekkert úr því. Á næstu leiktíð verðum við að vera tilbúnir á ný, tilbúnir að berjast um titilinn og við verðum að bæta okkur einnig.”

Henderson var síðan spurður út í þessa leiktíð í samanburði við síðustu leiktíðir Liverpool.

„Já við erum búnir að bæta okkur mjög mikið. Það að berjast um titilinn alveg þangað til á lokadeginum og komast aftur í úrslit Meistaradeildarinnar er klárlega framför og núna verðum við hreinilega að halda þessu áfram og ég veit að við munum gera það.”

„Við erum með nægilega stóran leikmannahóp og við erum nægilega sterkir andlega til þess að takast á við svona og því komum við til baka sterkari,” sagði Henderson að lokum.

Viðtalið í heild sinni má sjá hér fyrir ofan.

Salah og Mané deildu markakóngstitlinum með Aubameyang.vísir/getty

Enski boltinn

Mest lesið

Fleiri fréttir