Ljóst hvaða lið mætir Liverpool í undanúrslitum HM

Í kvöld varð ljóst hvaða lið mætir Evrópumeisturum Liverpool í undanúrslitum HM félagsliða sem fram fer í Katar þessa dagana.

Mexíkóska liðið Monterrey bíður Evrópumeistaranna en þeir lögðu Al-Sadd frá Katar í kvöld en síðarnefnda liðinu er stýrt af spænsku goðsögninni Xavi. Monterrey vann leikinn 3-2.

Monterrey sigraði Meistaradeild CONCACAF á síðustu leiktíð en liðið hefur fjórum sinnum orðið meistari í heimalandinu, síðast árið 2010. Margir öflugir Argentínumenn eru á mála hjá félaginu og sömuleiðis einn leikmaður með reynslu úr ensku úrvalsdeildinni því Vincent Janssen gekk í raðir Monterrey frá Tottenham síðasta sumar.

Í hinum undanúrslitaleiknum mætast Flamengo frá Brasilíu og Al Hilal frá Sádi Arabíu.

Leikur Liverpool og Flamengo verður spilaður í Doha miðvikudaginn 18.desember næstkomandi.