Innlent

Gul viðvörun á Norðurlandi eystra

Vésteinn Örn Pétursson skrifar
Vegfarendum er bent á að fara varlega á svæðinu.
Vegfarendum er bent á að fara varlega á svæðinu. Veðurstofa Íslands
Gul viðvörun vegna veðurs hefur verið gefin út, eftir því sem fram kemur á vef Veðurstofu Íslands.



Gert er ráð fyrir hvassviðri eða stormi, 18 – 25 metrum á sekúndu, í Eyjafirði, við Skjálfanda og í Bárðardal, samkvæmt spá Veðurstofunnar, sem gildir til klukkan þrjú aðfaranótt þriðjudagsins. Þá má búast við enn snarpari vindi, um 30 – 35 metrum á sekúndu við fjöll.



Þessi vindstyrkur, í bland við hálku á vegum, getur reynst vegfarendum á svæðinu hættulegur, sér í lagi þá sem aka ökutækjum sem taka á sig mikinn vind.



„Afmarkaðar samgöngutruflanir líklegar. Fólk er hvatt til að sýna aðgát og ganga frá lausum munum,“ segir þá í stuttri orðsendingu á vef Veðurstofunnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.