Þriggja ára drengur lést þegar föður hans var sýnt tilræði

Hleypt var af skotum á bifreið stjórnmála- og viðskiptamannsins Vyacheslav Sobolev í miðborg Kænugarðs, höfuðborgar Úkraínu í dag. Reuters greinir frá að Sobolev hafi setið við stýri þegar árásin var framin.

Innanríkisráðuneyti Úkraínu staðfestir að í árásinni hafi barn orðið fyrir skoti og hafi barnið látið lífið í sjúkrabíl á leið á sjúkrahús. Reuters greinir frá að um sé að ræða þriggja ára gamlan son Sobolev.

Sobolev starfaði á árum áður innan orkugeirans úkraínska en starfar nú í héraðsþingi Kíev. Sobolev er fæddur í bænum Donetsk þar sem að mikil átök geisa enn á milli úkraínska yfirvalda og herafla aðskilnaðarsinna sem styðja innlimun Austur-Úkraínu og Krímskaga í Rússland.

Frá því að átök blossuðu upp í austurhluta landsins 2014 hafa þónokkrir ráðamenn verið ráðnir af dögum á götum Kænugarðs.