Erlent

Ekkert lát á mót­mælunum í Hong Kong

Atli Ísleifsson skrifar
Mótmælin í Hong Kong hafa nú staðið í nokkra mánuði.
Mótmælin í Hong Kong hafa nú staðið í nokkra mánuði. Getty
Ekkert lát er á mótmælum í Hong Kong og í morgun var ákveðið að flestir mennta- og háskólar borgarinnar skyldu vera lokaðir af öryggisástæðum.



Þá voru gríðarlegar öryggisráðstafanir á lestarstöðvum í morgunumferðinni sem varð þess valdandi að tafir urðu miklar og sumar lestarferðir féllu alfarið niður.



Óeirðalögreglan gerði einnig áhlaup á nokkra skóla þar sem mótmælendur höfðu komið sér fyrir og beitti táragasi gegn fólkinu sem mótmælir kínverskum yfirvöldum borgarinnar og krefst meiri sjálfstjórnar og frelsis undan stjórnvöldum í Peking.



Ástandið er afar eldfimt í Hong Kong en í gær var mótmælandi skotinn af lögreglumanni auk þess sem mótmælendur kveiktu í stuðningsmanni stjórnvalda. Báðir eru mennirnir alvarlega sárir á sjúkrahúsi.


Tengdar fréttir

Mót­mælandi lést í Hong Kong

Námsmaður frá Hong Kong, sem tekið hefur þátt í mótmælum í borginni undanfarnar vikur og slasaðist alvarlega um helgina þegar hann féll ofan af bílastæðahúsi, lést í morgun.

Lögreglumaður skaut mótmælanda í Hong Kong

Lögreglumaður skaut mótmælanda í Hong Kong í morgun þegar mótmælendur reyndu að koma í veg fyrir að fólk kæmist til vinnu sinnar í lestarkerfi borgarinnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.