Gunnlaugi sagt upp störfum hjá Borgarbyggð
Sveitarstjórn Borgarbyggðar hefur sagt sveitarstjóranum Gunnlaugi A. Júlíussyni upp störfum.
Þetta kemur fram í tilkynningu frá sveitarfélaginu. Þar segir að mismunandi sýn á stjórnun sveitarfélagsins geri það að verkum að sveitarstjórn og Gunnlaugur hafi ákveðið að slíta samstarfi.
„Gunnlaugur hefur frá því að hann kom til starfa fyrir sveitarfélagið unnið vel að mörgum mikilvægum málum og er honum þakkað fyrir sitt framlag.
Sveitarstjórn stendur einhuga á bakvið þessa ákvörðun,“ segir í tilkynningunni. Gunnlaugur var ráðinn sveitarstjóri árið 2016.
Fréttastofa náði tali af Gunnlaugi og segist hann ekki vilja tjá sig frekar um málið.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
