Innlent

Hvetja fólk til minni sóunar

Sighvatur Arnmundsson skrifar
Sorpa í Álfsnesi.
Sorpa í Álfsnesi. Fréttablaðið/Ernir

Evrópsk nýtnivika hefst næstkomandi laugardag. Markmið átaksins er að hvetja fólk til að draga úr óþarfa neyslu og nýta hluti betur sem leiði til minni úrgangs. Í ár er lögð áhersla á fræðslu um úrgangsmál undir slagorðinu „Minni sóun – minna sorp“.

Umhverfisstofnun stendur í vikunni fyrir viðburðum í tengslum við átakið. Fyrirtæki og almenningur eru hvött til að kynna sér úrgangsmál og breyta neysluvenjum sínum.

Á heimasíðu stofnunarinnar eru hugmyndir sem fyrirtæki og stofnanir geta nýtt sér. Þannig sé hægt að efna til flokkunarkeppni milli deilda, setja markmið um hærra endurvinnsluhlutfall og standa fyrir fyrirlestrum um flokkun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.