Slys barnsins varð að „tryggingamáli“ eftir óformlegt símtal Kristín Ólafsdóttir skrifar 18. nóvember 2019 11:01 Barnið var á leið heim úr skóla árið 2015 þegar það lenti í slysi. Mynd er úr safni. Vísir/vilhelm Tryggingafélagið Vörður gætti ekki að grunnkröfu um sanngirni við vinnslu á persónuupplýsingum um barn viðskiptavinar, sem skráðar voru í tjónayfirlit í óþökk þess síðarnefnda. Þetta kemur fram í úrskurði Persónuverndar í málinu sem birtur var í síðustu viku. Tildrög málsins eru þau að Persónuvernd barst kvörtun vegna málsins í október árið 2017. Kvartað var yfir skráningum Varðar á upplýsingum um slys sem barn kvartanda lenti í, og yfir synjun félagsins á beiðni um að upplýsingunum yrði eytt.Steig í sjóðandi vatn á leið heim úr skóla Barnið lenti í slysi árið 2015 þegar það var á gangi á leið heim úr skóla og steig í sjóðandi vatn þar sem hitaveiturör við gangbraut hafði sprungið. Árið eftir hafði kvartandi samband við Vörð og spurðist fyrir um það hvort tjónið félli undir heimilistryggingu hvað varðaði sjúkrakostnað, og hvort það hefði áhrif á framtíðariðgjöld ef tryggingabætur yrðu greiddar út. Í kjölfarið fékk kvartandi sendan tölvupóst frá starfsmanni Varðar með upplýsingum og hlekk á vefsíðu félagsins þar sem tilkynna mátti um tjón. Kvartandi ákvað hins vegar að fylla hvorki út tjónstilkynningu né senda Verði gögn og aðhafðist ekki frekar. Skráð og tilgreint líkt og „tryggingamál“ Árið 2017 hugðist kvartandi svo skipta um tryggingafélag. Nýja félagið gerði kröfu um að fá tjónayfirlit hans frá Verði, sem kvartandi aflaði. Hann varð þess þá var að slys barnsins hafði verið skráð og tilgreint líkt og um „tryggingamál“ væri að ræða. Í kjölfarið óskaði kvartandi skýringa á því hvers vegna slysið hefði verið skráð þrátt fyrir að formleg tilkynning hefði ekki verið send Verði. Vörður hafi staðið við skráninguna og ekki orðið við beiðni kvartanda um að afmá upplýsingar um slysið úr kerfum sínum. „Að lokum er á það bent í kvörtuninni að áhrif skráningarinnar séu þau að kvartandi þurfi að greiða hærri iðgjöld hjá nýja vátryggingafélaginu og telur hann að skráningin sé samkeppnishamlandi af þeim sökum,“ segir jafnframt í útlistun málsins, sem birt er í úrskurði Persónuverndar. Töldu tilkynninguna fullnægjandi Í svari sínu við erindi Persónuverndar vísaði Vörður m.a. til laga um vátryggingarsamninga. Tilgangur vinnslu upplýsinganna sem hér um ræðir hafi aðallega verið sá að gera félaginu kleift að efna skyldur sínar samkvæmt þeim vátryggingarsamningi sem var í gildi. Þá hafi verið litið svo á að túlka bæri orðið „tilkynning“ fremur rúmt, neytendum í hag. Tilkynning sem berist símleiðis teljist því fullnægjandi í þessu sambandi. Í bréfinu segir jafnframt að félagið telji vafa leika á um hvort upplýsingarnar sem skráðar hafi verið teljist viðkvæmar persónuupplýsingar. Persónuvernd féllst á að skráning Varðar gæti stuðst við nokkrar heimildir í persónuverndarlögum, sem nánar eru tilgreindar í úrskurðinum. Gættu ekki að sanngirniskröfu Í niðurstöðu Persónuverndar í málinu kemur m.a. fram að ljóst sé að kvartanda hafi ekki verið gerð grein fyrir því að þær upplýsingar sem hann veitti Verði í símtalinu yrðu skráðar og varðveittar hjá félaginu, eða að litið yrði á samskipti hans við félagið sem tilkynningu um tjón. Þegar upplýsingarnar voru skráðar hefði kvartanda ekki verið veittar fullnægjandi upplýsingar um vinnubrögð Varðar við skráninguna. Skráning hefði m.a. getað haft þau áhrif fyrir stöðu kvartanda að hann þyrfti að greiða hærri iðgjöld. Ekki var því fallist á þær röksemdir Varðar að „viðskiptavinir hljóti að gera sér grein fyrir því að efni símtala sé skráð með einhverjum hætti, m.a. þar sem upplýst sé um að símtöl geti verið hljóðrituð, og að þar með sé fullnægt þeirri upplýsingaskyldu sem hvíli á ábyrgðaraðila.“ Þannig var það niðurstaða Persónuverndar að Vörður hafi ekki gætt að grunnkröfu um sanngirni við vinnslu sína á persónuupplýsingum kvartanda. Úrskurð Persónuverndar má lesa í heild hér. Persónuvernd Tryggingar Mest lesið Sagði frá fyrirætlunum sínum í SMS-i fyrir morðið Erlent „Þetta var vissulega ekki í starfslýsingunni“ Innlent „Ég mun ekki sjá eftir honum“ Innlent Drápu þrjá í annarri árás á meinta smyglara Erlent Ísland ekki óhult ef til átaka kemur í Evrópu Innlent Bandaríkin lýstu yfir fullum stuðningi við fyrirætlanir Ísraelsstjórnar Erlent Hefur ekki áhyggjur af svindli með nýju námsmati Innlent Þrjú innbrot og alltaf fúlsað við verkunum: „Þetta er kannski smá yfirlýsing“ Innlent Kallar eftir náðun Kouranis og brottvísun strax á morgun Innlent Fjöldi glæpahópa á Íslandi hefur tvöfaldast á tíu árum Innlent Fleiri fréttir „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Sjá meira
Tryggingafélagið Vörður gætti ekki að grunnkröfu um sanngirni við vinnslu á persónuupplýsingum um barn viðskiptavinar, sem skráðar voru í tjónayfirlit í óþökk þess síðarnefnda. Þetta kemur fram í úrskurði Persónuverndar í málinu sem birtur var í síðustu viku. Tildrög málsins eru þau að Persónuvernd barst kvörtun vegna málsins í október árið 2017. Kvartað var yfir skráningum Varðar á upplýsingum um slys sem barn kvartanda lenti í, og yfir synjun félagsins á beiðni um að upplýsingunum yrði eytt.Steig í sjóðandi vatn á leið heim úr skóla Barnið lenti í slysi árið 2015 þegar það var á gangi á leið heim úr skóla og steig í sjóðandi vatn þar sem hitaveiturör við gangbraut hafði sprungið. Árið eftir hafði kvartandi samband við Vörð og spurðist fyrir um það hvort tjónið félli undir heimilistryggingu hvað varðaði sjúkrakostnað, og hvort það hefði áhrif á framtíðariðgjöld ef tryggingabætur yrðu greiddar út. Í kjölfarið fékk kvartandi sendan tölvupóst frá starfsmanni Varðar með upplýsingum og hlekk á vefsíðu félagsins þar sem tilkynna mátti um tjón. Kvartandi ákvað hins vegar að fylla hvorki út tjónstilkynningu né senda Verði gögn og aðhafðist ekki frekar. Skráð og tilgreint líkt og „tryggingamál“ Árið 2017 hugðist kvartandi svo skipta um tryggingafélag. Nýja félagið gerði kröfu um að fá tjónayfirlit hans frá Verði, sem kvartandi aflaði. Hann varð þess þá var að slys barnsins hafði verið skráð og tilgreint líkt og um „tryggingamál“ væri að ræða. Í kjölfarið óskaði kvartandi skýringa á því hvers vegna slysið hefði verið skráð þrátt fyrir að formleg tilkynning hefði ekki verið send Verði. Vörður hafi staðið við skráninguna og ekki orðið við beiðni kvartanda um að afmá upplýsingar um slysið úr kerfum sínum. „Að lokum er á það bent í kvörtuninni að áhrif skráningarinnar séu þau að kvartandi þurfi að greiða hærri iðgjöld hjá nýja vátryggingafélaginu og telur hann að skráningin sé samkeppnishamlandi af þeim sökum,“ segir jafnframt í útlistun málsins, sem birt er í úrskurði Persónuverndar. Töldu tilkynninguna fullnægjandi Í svari sínu við erindi Persónuverndar vísaði Vörður m.a. til laga um vátryggingarsamninga. Tilgangur vinnslu upplýsinganna sem hér um ræðir hafi aðallega verið sá að gera félaginu kleift að efna skyldur sínar samkvæmt þeim vátryggingarsamningi sem var í gildi. Þá hafi verið litið svo á að túlka bæri orðið „tilkynning“ fremur rúmt, neytendum í hag. Tilkynning sem berist símleiðis teljist því fullnægjandi í þessu sambandi. Í bréfinu segir jafnframt að félagið telji vafa leika á um hvort upplýsingarnar sem skráðar hafi verið teljist viðkvæmar persónuupplýsingar. Persónuvernd féllst á að skráning Varðar gæti stuðst við nokkrar heimildir í persónuverndarlögum, sem nánar eru tilgreindar í úrskurðinum. Gættu ekki að sanngirniskröfu Í niðurstöðu Persónuverndar í málinu kemur m.a. fram að ljóst sé að kvartanda hafi ekki verið gerð grein fyrir því að þær upplýsingar sem hann veitti Verði í símtalinu yrðu skráðar og varðveittar hjá félaginu, eða að litið yrði á samskipti hans við félagið sem tilkynningu um tjón. Þegar upplýsingarnar voru skráðar hefði kvartanda ekki verið veittar fullnægjandi upplýsingar um vinnubrögð Varðar við skráninguna. Skráning hefði m.a. getað haft þau áhrif fyrir stöðu kvartanda að hann þyrfti að greiða hærri iðgjöld. Ekki var því fallist á þær röksemdir Varðar að „viðskiptavinir hljóti að gera sér grein fyrir því að efni símtala sé skráð með einhverjum hætti, m.a. þar sem upplýst sé um að símtöl geti verið hljóðrituð, og að þar með sé fullnægt þeirri upplýsingaskyldu sem hvíli á ábyrgðaraðila.“ Þannig var það niðurstaða Persónuverndar að Vörður hafi ekki gætt að grunnkröfu um sanngirni við vinnslu sína á persónuupplýsingum kvartanda. Úrskurð Persónuverndar má lesa í heild hér.
Persónuvernd Tryggingar Mest lesið Sagði frá fyrirætlunum sínum í SMS-i fyrir morðið Erlent „Þetta var vissulega ekki í starfslýsingunni“ Innlent „Ég mun ekki sjá eftir honum“ Innlent Drápu þrjá í annarri árás á meinta smyglara Erlent Ísland ekki óhult ef til átaka kemur í Evrópu Innlent Bandaríkin lýstu yfir fullum stuðningi við fyrirætlanir Ísraelsstjórnar Erlent Hefur ekki áhyggjur af svindli með nýju námsmati Innlent Þrjú innbrot og alltaf fúlsað við verkunum: „Þetta er kannski smá yfirlýsing“ Innlent Kallar eftir náðun Kouranis og brottvísun strax á morgun Innlent Fjöldi glæpahópa á Íslandi hefur tvöfaldast á tíu árum Innlent Fleiri fréttir „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Sjá meira