Á annað hundrað mótmælendur enn lokaðir af
Milli hundrað og tvö hundruð mótmælendur eru enn lokaðir af inni í Fjöltækniháskólanum í Hong Kong en þar hefur umsátursástand ríkt síðan í fyrrinótt.
Þeir sem eftir eru inni í byggingunni fer nú að skorta vistir og vatn og segir þingmaður í Hong Kong að fólkið endist varla í annan sólarhring.
Þeir sem enn eru inni í byggingunni búast við að verða handteknir um leið og þeir koma út og mega búast við ákæru um að efna til uppþota sem gæti kostað þau tíu ára fangelsi.
Um tvö hundruð mótmælendum, sem öll voru undir átján ára aldri, var í nótt leyft að yfirgefa bygginguna og um hundrað fullorðnir kusu að gera slíkt hið sama.
Hinir fullorðnu voru þegar handteknir og eiga yfir höfði sér ákærur.
Tengdar fréttir
Enn umsátursástand á háskólalóðinni í Hong Kong
Umsátursástand er enn um háskólalóð í Hong Kong þar sem lögregla hefur umkringt mótmælendur sem höfðu byrgt sig inni í Fjöltækniháskólanum í borginni.
Eldsprengjur og táragas við tækniháskólann
Lögregla kínverska sjálfsstjórnarsvæðisins Hong Kong gerði í dag áhlaup á mótmælendur sem reyndu að draga athygli lögregluþjóna frá háskóla í borginni. Þar hafa mótmælendur hreiðrað um sig og setið fastir undanfarna daga.
Grímubann í Hong Kong brýtur gegn stjórnarskrá
Æðsti dómstóllinn í Hong Kong hefur dæmt að grímubannið sem stjórnvöld í sjálfstjórnarhéraðinu komu á í síðasta mánuði brjóti í bága við stjórnarskrá svæðisins.
