Fótbolti

Balotelli varð fyrir kynþáttaníði en skoraði svo fyrir framan rasistana

Ingvi Þór Sæmundsson skrifar
Balotelli gekk af velli.
Balotelli gekk af velli. vísir/getty

Mario Balotelli varð fyrir kynþáttaníði í leik Brescia og Verona í ítölsku úrvalsdeildinni í dag. Verona vann leikinn, 2-1, en Balotelli skoraði mark Brescia.

Snemma í seinni hálfleik þrumaði Balotelli boltanum upp í stúku eftir að hafa orðið fyrir kynþáttaníði frá stuðningsmönnum Verona. Balotelli gekk svo af velli.

Eins og reglur FIFA kveða á um stöðvaði dómarinn leikinn. Hann bað svo um að yfirlýsing yrði lesin upp í hátalarakerfi vallarins þar sem stuðningsmenn Verona voru beðnir um að láta Balotelli í friði.


Þegar leikurinn var stöðvaður var staðan 1-0, Verona í vil. Heimamenn bættu öðru marki við á 81. mínútu en fjórum mínútum síðar skoraði Balotelli fyrir framan stuðningsmennina sem höfðu beitt hann kynþáttaníðinu.

Þetta er eitt fjölmargra dæma um ömurlega hegðun stuðningsmanna liða í ítölsku úrvalsdeildinni á tímabilinu.

Ítalska knattspyrnusambandið hefur verið gagnrýnt fyrir að taka of vægt á rasisma en illa gengur í baráttunni við að uppræta hann.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.