Fótbolti

Hamrén og Freyr vildu ekki ræða mál Kolbeins

Ingvi Þór Sæmundsson skrifar
Kolbeinn jafnaði markamet íslenska landsliðsins gegn Andorra í síðasta mánuði.
Kolbeinn jafnaði markamet íslenska landsliðsins gegn Andorra í síðasta mánuði. vísir/vilhelm
Landsliðsþjálfarinn Erik Hamrén og Freyr Alexandersson, aðstoðarmaður hans, vildu ekkert ræða mál Kolbeins Sigþórssonar á blaðamannafundi í höfuðstöðvum KSÍ í dag.

Þar var landsliðshópurinn fyrir leikina gegn Tyrklandi og Moldóvu í undankeppni EM 2020 kynntur.

Kolbeinn var handtekinn vegna óláta á skemmtistað aðfaranótt fimmtudags í síðustu viku. Þrátt fyrir það lék hann með AIK á laugardaginn og skoraði mark liðsins í 1-1 jafntefli við Sundsvall.

Freyr sagði að þeir Hamrén væru í stöðugu sambandi við Kolbein en samræður þeirra snúist aðallega um fótbolta. Hann kvaðst ekkert ætla að tjá sig um handtöku framherjans.

Hamrén tók í sama streng og hvatti viðstadda til að einbeita sér að fótboltanum.


Tengdar fréttir

Kolbeinn í byrjunarliði AIK

Kolbeinn Sigþórsson er í leikmannahópi AIK sem mætir Sundsvall í lokaumferð sænsku úrvalsdeildarinnar í dag.




Fleiri fréttir

Sjá meira


×