Fótbolti

Hópurinn fyrir leikina gegn Tyrklandi og Moldóvu: Jóhann Berg meiddur og Emil ekki valinn

Ingvi Þór Sæmundsson skrifar
Emil er ekki í íslenska hópnum. Hann er enn án félags.
Emil er ekki í íslenska hópnum. Hann er enn án félags. vísir/bára

Erik Hamrén hefur tilkynnt íslenska landsliðshópinn fyrir leikina gegn Tyrklandi og Moldóvu í undankeppni EM 2020.

Jóhann Berg Guðmundsson er ekki í hópnum vegna meiðslanna sem hann varð fyrir í leiknum gegn Frakklandi í síðasta mánuði. Landslisðfyrirliðinn Aron Einar Gunnarsson er enn frá vegna meiðsla.

Emil Hallfreðsson, sem er enn án félags, var ekki valinn og sömu sögu er að segja af Valsmanninum Birki Má Sævarssyni. Rúrik Gíslason, leikmaður Sandhausen í Þýskalandi, hlaut heldur ekki náð fyrir augum Hamréns.

Mikael Neville Anderson, leikmaður Danmerkurmeistara Midtjylland, var valinn í hópinn í fyrsta sinn fyrir keppnisleiki. Hann hefur leikið einn vináttulandsleik fyrir Íslands hönd, gegn Indónesíu í janúar 2018.

Ísland mætir Tyrklandi í Istanbúl fimmtudaginn 14. nóvember. Sunnudaginn 17. nóvember sækir Ísland svo Moldóvu heim í lokaleik sínum í undankeppninni.

Ísland er með 15 stig í 3. sæti H-riðils, fjórum stigum á eftir Tyrklandi og Frakklandi.

Hópurinn

Markverðir:
Hannes Þór Halldórsson | Valur
Rúnar Alex Rúnarsson | Dijon
Ögmundur Kristinsson | AEL Larissa

Varnarmenn:
Hjörtur Hermannsson | Bröndby
Sverrir Ingi Ingason | PAOK
Kári Árnason | Víkingur R.
Ragnar Sigurðsson | Rostov
Jón Guðni Fjóluson | Krasnodar
Hörður Björgvin Magnússon | CSKA Moskva
Ari Freyr Skúlason | Oostende
Guðlaugur Victor Pálsson | Darmstadt

Miðjumenn:
Samúel Kári Friðjónsson | Viking
Mikael Neville Anderson | Midtjylland 
Arnór Ingvi Traustason | Malmö
Birkir Bjarnason | Al-Arabi
Rúnar Már Sigurjónsson | Astana
Aron Elís Þrándarson | Aalesund
Arnór Sigurðsson | CSKA Moskva
Gylfi Þór Sigurðsson | Everton

Framherjar:
Jón Daði Böðvarsson | Millwall
Kolbeinn Sigþórsson | AIK
Viðar Örn Kjartansson Rubin Kazan
Alfreð Finnbogason | Augsburg



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.