Enski boltinn

Gengu af velli í bikarleik vegna kynþáttaníðs

Ástrós Ýr Eggertsdóttir skrifar
Enska bikarkeppnin er sú elsta í heiminum
Enska bikarkeppnin er sú elsta í heiminum vísir/getty

Hætta þurfti við leik í forkeppni ensku bikarkeppninnar í gær eftir að leikmennirnir gengu af velli vegna kynþáttaníðs.

Markmaður Haringey Borough, sem mætti Yeovil í forkeppni ensku bikarkeppninar, sagði að það hefði verið hrækt á hann, flösku hefði verið kastað í hann og kynþáttaníði beint að honum.

Þá átti kynþáttaníði einnig að hafa verið beint að liðsfélagahans, Cobie Rowe.

Knattspyrnustjórinn Tom Loizou tók þá ákvörðun að segja leikmönnum sínum að ganga af velli á 64. mínútu og var leikurinn svo flautaður af.

„Leikmennirnir voru með tárin í augunum. Það var mjög erfitt að þurfa að horfa upp á þá svona,“ sagði Loizou við Sky News.

„Ég sagði við dómarann að ég hafi heyrt kynþáttaníðið, ég hafi séð að það hafi verið hrækt á þá og ég sæi hversu reiðir stuðningsmennirnir væru.“

Loizou sagði að kynþáttaníðið hafi komið frá um fimm stuðningsmönnm Yeovil.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.