Trippier: Costa kallar mig Wayne Rooney tíu sinnum á dag
Kieran Trippier gekk í raðir Atletico Madrid frá Tottenham í sumar og hefur farið vel af stað með spænska liðinu það sem af er leiktíð.
Enski landsliðsbakvörðurinn hefur byrjað sjö af þeim níu leikjum sem lokið er í úrvalsdeildinni og lagt upp eitt mark en það kom í fyrsta leiknum hans gegn Getafe.
Hjá Atletico er Trippier samherji Diego Costa. Flestir þekkja Costa sem framherja með mikið skap en Trippier ber honum söguna vel.
„Diego kallar mig á hverjum morgni, örugglega tíu sinnum í dag Rooney. Wayne Rooney kallar hann mig alltaf. Allir byrja svo að hlægja,“ sagði Trippier í samtali við Marca.
Diego Costa is a joker pic.twitter.com/miOmK8Je70
— ESPN UK (@ESPNUK) October 21, 2019
Costa hefur skorað tvö mörk og lagt upp eitt mark í fyrstu sjö leikjunum. Einnig hefur hann fengið tvö gul spjöld sem kemur sér lítið á óvart er Costa á í hlut.
Atletico Madrid er í 5. sæti deildarinnar með sextán stig en þeir eru einungis þremur stigum frá toppliði Barcelona.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
