Erlent

Koma upp eftir­liti á landa­mærum Dan­merkur og Sví­þjóðar

Atli Ísleifsson skrifar
Eyrarsundsbrúin tengir saman Svíþjóð og Danmörku.
Eyrarsundsbrúin tengir saman Svíþjóð og Danmörku. Getty

Danir hafa ákveðið að koma upp tímabundinni landamæravörslu á landamærum Svíþjóðar og Danmerkur. DR greinir frá málinu.

Danski dómsmálaráðherrann segir þetta gert til að auka öryggi borgaranna en á síðustu mánuðum hafi nokkrar sprengjur sprungið í Danmörku og eru árásirnar raktar til erja á milli gengja í Danmörku og Svíþjóð.

Landamæragæslan mun hefjast um miðjan nóvember og mega allir þeir sem ferðast frá Svíþjóð inn í landið búast við að lenda í öryggiseftirliti.

Sérþjálfuðum hundum sem greina sprengiefni verður fjölgað og fleiri úrræðum beitt til að leita á fólki.

Svíar hafa raunar haft uppi eftirlit á landamærunum allt frá árinu 2015 en það var gert til að sporna við straumi flóttamanna.

Að sama skapi hafa Danir verið með eftirlit á landamærum Þýskalands og hefur það eftirlit nú verið framlengt um sex mánuði hið minnsta.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.