Svar Warren við spurningu um „gamaldags hjónabönd“ sló í gegn
Forsetaframbjóðandinn Elizabeth Warren hefur verið á mikilli siglingu í skoðanakönnunum undanfarið er nú í öðru sæti í flestum skoðanakönnunum fyrir forval Demókrataflokksins. Enn sem komið er þykir Joe Biden líklegastur til þess að hljóta tilnefningu flokksins fyrir forsetakosningarnar árið 2020.
Það má þó segja að Warren hafi slegið í gegn á meðal áhorfenda þegar pallborðsumræður CNN um málefni hinsegin fólks fóru fram. Morgan Cox, forseti framkvæmdastjórnar Human Rights Campaign spurði Warren hvernig hún myndi bregðast við ef stuðningsmaður myndi nálgast hana og segjast trúa því að hjónaband væru einungis milli eins karls og einnar konu.
Warren var fljót að svara spurningunni og sagðist ætla gefa sér það að slík spurning kæmi frá karlmanni.
„Ég myndi segja: Kvænst þú þá bara einni konu. Mér finnst það allt í lagi. Að því gefnu að þú getir fundið eina.“
Tengdar fréttir
Elizabeth Warren á mikilli siglingu
Bandaríski öldungadeildarþingmaðurinn Elizabeth Warren mælist í fyrsta sinn með mest fylgi frambjóðenda Demókrata í landskönnun sem gerð var af könnunarfyrirtækinu Quinnipiac.
Frambjóðendur Demókrata tókust á um heilbrigðismálin
Þeir tíu frambjóðendur bandarískra Demókrata sem sækjast eftir útnefningu flokksins til forsetaframboðs og eru taldir eiga mesta möguleika á sigri tókust á í sjónvarpskappræðum í Houston í nótt.
