Zlatan gæti sett skóna á hilluna eftir helgi

Zlatan Ibrahimovic gæti sett fótboltaskóna á hilluna eftir fyrsta leik LA Galaxy í úrslitakeppni MLS deildarinnar.

Galaxy mætir Minnesota United í fyrsta leik úrslitakeppninnar aðfaranótt mánudags.

The Sun greinir frá því að Zlatan hafi sagt að leikurinn „gæti verið hans síðasti.“ Galaxy endaði í fimmta sæti vesturdeildar MLS deildairnnar, 21 stigi frá Los Angeles FC sem vann vesturdeildina og er talið líklegast til sigurs.

Zlatan hefur áður gefið það í skyn að hann myndi hætta eftir þetta tímabil, en hann er 38 ára gamall.

Ef Galaxy vinnur leikinn við Minnesota mun Zlatan halda áfram að spila með þeim í úrslitakeppninni.