„Þegar það snjóar þá er ég víkingur“
Zlatan Ibrahimovic segir að hann muni kalla fram sinn innri víking ef það byrjar að snjóa í næsta leik LA Galaxy á móti Minnesota United.
Zlatan hefur í gegnum ferilinn komið fram með með djarfar staðhæfingar en hann hefur oft líkt sér við ljón. Hann er ekkert að spara heldur stóru orðin fyrir mögulega erfiðar aðstæður á Allianz Field á sunnudag.
LA Galaxy mun í næsta leik mæta til Minnesota en það er gert ráð fyrir snjókomu á leikdegi. Zlatan segir að það muni ekki halda aftur af honum.
„Ég er frá Svíþjóð, ég fæddist í snjó,“ sagði Zlatan í viðtali við opinberan Twitter aðgang félagsins og hélt áfram: „Þegar það snjóar er ég víkingur en þegar það er hlýtt þá er ég ljón. Við verðum að aðlagast öllum aðstæðum.“
"When it snows, I'm a viking. When it's warm, I'm a lion." - @Ibra_official when asked about playing in Minnesota #MINvLA | #MLSCupPlayoffs pic.twitter.com/OCSaTqZnKT
— LA Galaxy (@LAGalaxy) October 16, 2019
Zlatan hefur skorað 30 mörk í 29 leikjum fyrir LA Galaxy á árinu. Hann vill hjálpa LA í umspil MLS deildarinnar en hann missti af því á sínu fyrsta tímabili með liðinu í fyrra.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
