Bein útsending: Hver hlýtur Nóbelsverðlaunin í efnafræði?
Sænska vísindaakademían mun í dag tilkynna um hver hlýtur Nóbelsverðlaunin í efnafræði í ár. Tilkynnt verður um verðlaunahafa á fréttamannafundi sem hefst klukkan 9:45 að íslenskum tíma.
Vísindamennirnir Frances H. Arnold, George P. Smith og Gregory P. Winter fengu Nóbelsverðlaunin í flokknum á síðasta ári. Var verðlaununum skipt í tvennt, á milli Arnold annars vegar og þeirra Smith og Winter hins vegar. Arnold var verðlaunuð fyrir stýrða þróun ensíma og þeir Smith og Winter fyrir vinnu þeirra varðandi peptíð og mótefni.
Fyrr í vikunni hefur verið greint frá því hverjir hljóta Nóbelsverðlaun í læknisfræði annars vegar og eðlisfræði hins vegar.
Hægt er að fylgjast með útsendingunni að neðan.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
