Eldur í einbýlishúsi á Akureyri
Eldur kom upp í olíu í einbýlishúsi á Akureyri nú síðdegis. Slökkvilið var kallað til en í þann mund sem slökkviliðsmenn komu á vettvang tókst húsráðendum að ráða niðurlögum eldsins.
Ólafur Stefánsson, slökkviliðsstjóri á Akureyri, segir að þrátt fyrir það hafi þurft að reykræsta húsið en hann gat ekki sagt til um hvort eða hversu mikið tjón hlaust af eldsvoðanum. Eldsupptök liggi að sama skapi ekki fyrir á þessari stundu.
Ákveðið hafi verið að flytja einn heimilismann á Fjórðungssjúkrahúsið á Akureyri þar sem hann mun undirgangast heilsufarsskoðun, en talið er að hann gæti hafa hlotið reykeitrun. Ekki var þó á Ólafi að skilja að veikindin séu talin alvarleg.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
