Forráðamenn PSG orðnir þreyttir á Neymar og vilja hann burt
Samkvæmt heimildum Tuttosport vilja forráðamenn PSG Neymar burt frá félaginu sem fyrst og eru líkur á að því verði í janúar.
Yfirmaður knattspyrnumála hjá félaginu, Leonardo, er búinn að fá sig fullsaddann af veseninu í kringum Brassann og vill losa hann í janúar.
Barcelona vildi fá Neymar í sumar og Real Madrid var einnig áhugasamt en hann ákvað svo í sameiningu við félagið að vera áfram hjá félaginu þangað til næsta sumar.
Uh-oh Neymar... https://t.co/brypKAssfK pic.twitter.com/IrXhovHw2v
— Mirror Football (@MirrorFootball) September 10, 2019
Það gæti þó breyst og hann yfirgefið félagið í janúar en Leonardo getur ekki meira. Faðir Neymar sagði einnig í samtali við Fox Sports að enn væru viðræður við spænsku risana.
„Viðræðunum milli félaganna er ekki lokið. Brasilíumenn vilja vera ánægðir þar sem þeir eru og hann var mjög ánægður hjá Barcelona,“ sagði Neymar eldri.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
