Sakaður um árás á mann að næturlagi fyrir utan Hressó
Héraðssaksóknari hefur ákært 23 ára karlmann fyrir sérstaka hættulega líkamsárás aðfaranótt sunnudagsins 5. júní árið 2016. Honum er gefið að sök að hafa veist að ungum karlmanni með hnefahöggum og spörkum, rifið hann niður í götuna og traðkað á andliti hans að minnsta kosti tvisvar sinnum þar sem hann lá á götunni.
Hlaut sá sem fyrir árásinni varð nefbrot og lausar tennur.
Þá er karlmaðurinn sömuleiðis ákærður fyrir brot gegn lögum um ávana- og fíkniefni með því að hafa haft í vörslum sínum 0,37 g af kókaíni sem lögreglan fann við leit á lögreglustöðinni við Hverfisgötu í Reykjavík.
Málið verður þingfest við Héraðsdóm Reykjavíkur í næstu viku.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
