Aleksandr Kokorin slapp út fyrr og Zenit var ekki lengi að ganga fram samningi við þennan 28 ára framherja sem mun byrja á því að spila með liðinu út tímabilið.
Aleksandr Kokorin og Pavel Mamayev voru báðir dæmdir í fangelsi fyrir óspektir og líkamsárás eftir að þeir réðust á starfsmanna atvinnuráðuneytisins með stól og börðu ökumann í október 2018.
Russian Premier League stars Aleksandr Kokorin and Pavel Mamaev have been released from prison after nearly a year of being locked up
| https://t.co/y5NW1WeZFz |
— RT Sport (@RTSportNews) September 17, 2019
Mamayev fékk sautján mánaða dóm en Kokorin átján mánaða dóm. Þeim var báðum sleppt vegna góðrar hegðunar og fengu frelsið í gær.
Hámarksdómur fyrir óspektir eru sjö ár í fangelsi.
Aleksandr Kokorin var að spila með Zenit þegar hann missti stjórn á sér en Mamayev lék með Krasnodar.
Það er búist við því að Mamayev fái líka tækifæri hjá rússnesku fótboltaliði á næstunni.
Aleksandr Kokorin hefur leikið 48 landsleiki fyrir Rússa en missti af HM á heimavelli vegna meiðsla. Mamayev á að baki fimmtán landsleiki.
After almost a year since they were arrested for assault, Pavel Mamaev and Aleksandr Kokorin were today released from prison.
pic.twitter.com/eyh60wQbeE
— Russian Football News (@RusFootballNews) September 17, 2019
