Fótbolti

Fjórtán ára með sex mörk í fyrsta leiknum með 19 ára liðinu

Óskar Ófeigur Jónsson skrifar
Youssoufa Moukoko fagnar marki með Dortmund. Þau hafa verið 83 á síðustu tveimur tímabilum með sautján ára liði félagsins.
Youssoufa Moukoko fagnar marki með Dortmund. Þau hafa verið 83 á síðustu tveimur tímabilum með sautján ára liði félagsins. Getty/Mika Volkmann

Youssoufa Moukoko er farinn að skapa sér nafn í fótboltanum þótt að hann sé ennþá bara á fermingaraldri.

Moukoko er leikmaður þýska liðsins Borussia Dortmund og er sannkallað undrabarn í fótboltanum.

Hann fékk um helgina sitt fyrsta tækifæri sitt með nítján ára liði félagsins og var því að spila með strákum sem eru allt að fimm árum eldri en hann.

Youssoufa Moukoko gerði mun betur en að standast það próf. Hann skoraði sex mörk í þessum fyrsta leik sínum með nítján ára liði Dortmund.



Þessi strákur er fæddur seint í nóvember árið 2004 og er því enn bara fjórtán ára gamall. Hann skoraði tvennu í fyrsta leik sínum með sautján ára liði Dortmund en þá var hann bara tólf ára.

Í fyrra átti hann magnað tímabil með sautján ára liði Dortmund þegar hann skoraði 46 mörk í aðeins 25 leikjum. Undanfarin tvö tímabil hefur hann skorað 83 mörk í 50 leikjum með umræddu sautján ára liði Dortmund.

Hann hefur nú „loksins“ náð þeim aldrei að mega spila með nítján ára liðinu og nýtti sér þann rétt með því að skora tvöfalda þrennu á móti SG Unterrath.

Moukoko er þó ekki á leiðinni inn í meistaraflokkslið Dortmund alveg strax. Reglurnar segja að hann megi ekki spila með aðalliðinu fyrr en tímabilið 2021 til 2022 eða þegar hann verður sextán ára gamall.

Moukoko er samt farinn að þéna peninga fyrir fótboltann. Hann skrifaði undir samning við Nike í maí sem þýskir miðlar segja að hann hafi fengið 10 milljónir evra fyrir eða 1379 milljónir íslenskra króna.

Auðvitað hafa komið upp efasemdir að Youssoufa Moukoko sé svona ungur en faðir hans var fljótur að benda á það að strákurinn getur varla verið eldri þar sem að móðir hans er bara 28 ára gömul.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.