Sigur í fyrsta leik hjá Elmari
Theodór Elmar Bjarnason var í byjrunarliði Akhisar Belediyespor þegar liðið fékk Adanaspor í heimsókn í 1.umferð tyrknesku B-deildarinnar í fótbolta í dag.
Elmar stimplaði sig inn af krafti hjá nýja liðinu og fékk að líta gula spjaldið strax á 10.mínútu. Honum var svo skipt af velli eftir klukkutíma leik en þá var enn markalaust.
Heimamenn náðu þó inn sigurmarkinu áður en yfir lauk því Burhan Eser skoraði úr vítaspyrnu á 82.mínútu.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
