Þetta byrjaði allt með því að Jeremy Clarkson, sem er þekktastur fyrir að stjórna bílaþáttunm Top Gear, skaut á frammistöðu Maddison í leik Leicester og Chelsea.
Clarkson, sem er ekki þekktur fyrir að liggja á skoðunum sínum, sagði að Maddison væri of lengi hjá rakaranum en eyddi ekki nægilega miklum tíma í að æfa fótbolta.
James Maddison. Too long at the barber’s. Not enough time practicing football.
— Jeremy Clarkson (@JeremyClarkson) August 18, 2019
Maddison var ekki lengi að svara eftir leikinn í gær en Maddison sagði Clarkson einfaldlega að hann ætti að einbeita sér að bílum.
Hann bætti svo við að hann gæti talið á fingrum annarar handar hversu margar klippingar Clarkson ætti eftir. Fast skotið.
Stick to cars mate. Can count on 1 hand how many trims you’ve got left #thinhttps://t.co/z1mDh177q8
— James Maddison (@Madders10) August 18, 2019
Maddison var frábær á síðustu leiktíð og var einn besti leikmaður Leicester en hann spilaði allan leikinn í 1-1 jafntefli Leicester gegn Chelsea á útivelli í gær.
Leicester er með tvö stig eftir fyrstu tvo leikina í ensku úrvalsdeildinni.
