Gamli Arsenal maðurinn markahæstur í bandarísku deildinni
Í deild með Zlatan Ibrahimovic og Wayne Rooney innanborðs er einn maður með yfirburðarforystu á markalistanum.
Carlos Vela hefur verið sjóðandi heitur með liði Los Angeles FC í MLS-deildinni á þessu tímabili.
Hinn þrítugi Carlos Vela er kominn með 19 mörk í fyrstu 19 leikjunum og er eins og er með sex marka forskot á toppnum. Næstu menn eru með 13 mörk og þar má meðal annars finna Zlatan Ibrahimovic. Wayne Rooney er með tíu mörk í fimmta sætið.
Carlos Vela for Los Angeles FC in the MLS this season:
19 games
19 goals
8 assists
Top scorer in the league. pic.twitter.com/gwwFhCL57F
— Squawka Football (@Squawka) July 15, 2019
Carlos Vela er líka að spila upp félaga sína því hann hefur auk markanna nítján gefið tólf stoðsendingar í þessum nítján leikjum. Vela er einnig með flestar stoðsendingar í deildinni en deilir því sæti með Maximiliano Moralez hjá New York City.
Carlos Vela, sem á að baki 72 leiki með landsliði Mexíkó, lék með Arsenal frá 2005 til 2012 en var fimm sinnum lánaður til annars liðs. Hann skoraði 3 mörk í 29 leikjum með Arsenal í ensku úrvalsdeildinni á þessum sjö árum sínum hjá félaginu.
Hann spilaði með Real Sociedad í fimm ár eftir að hann yfirgaf endanlega Arsenal en fór síðan til Bandaríkjanna árið 2017.
Carlos Vela skoraði 14 mörk og 13 stoðsendingar í 29 leikjum á fyrsta tímabili sínu í MLS-deildinni og hefur þegar bætt sitt persónulega markamet og gott betur.
“If we don’t win the @MLS Cup, this is nothing."@11carlosV has his sights set on glory. pic.twitter.com/juD4vB4hbJ
— LAFC (@LAFC) July 7, 2019
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
