Enski boltinn

Man Utd og Juventus bítast um Eriksen

Arnar Geir Halldórsson skrifar
Christian Eriksen
Christian Eriksen vísir/getty
Danski knattspyrnumaðurinn Christian Eriksen hefur gefið í skyn að hann muni yfirgefa enska úrvalsdeildarliðið Tottenham í sumar og er hann eftirsóttur á meðal stærstu knattspyrnuliða heims.

Eriksen hefur gjarnan verið orðaður við spænska risann Real Madrid en samkvæmt spænskum fjölmiðlum er Madridarliðið ekki tilbúið að punga út þeim 100 milljónum punda sem Daniel Levy, stjórnarformaður Tottenham, hefur sagst vilja fá í sinn hlut fyrir Eriksen.

Samkvæmt enska dagblaðinu Mirror er kapphlaupið nú á milli Manchester United og Juventus og gæti því framtíð franska miðjumannsins Paul Pogba ráðið miklu um næstu skref Eriksen þar sem talið er að Pogba gæti jafnvel verið á förum frá Man Utd til Juventus.

Eriksen er 27 ára gamall og hefur verið á mála hjá Tottenham frá árinu 2013 en lét hafa eftir sér í samtali við danska fjölmiðla á dögunum að hann væri opinn fyrir nýrri áskorun.




Fleiri fréttir

Sjá meira


×