Þrír áfram í gæsluvarðhaldi en einum sleppt
Þrír menn hafa verið úrskurðaðir í áframhaldandi gæsluvarðhald til 18. júlí á grundvelli almannahagsmuna að kröfu Lögreglunnar á höfuðborgarsvæðinu í þágu rannsóknar hennar á skipulagðri brotastarfsemi. Fjórir voru upphaflega úrskurðaðir í gæsluvarðhald vegna rannsóknarinnar þar til í júní en einum þeirra hefur nú verið sleppt úr haldi.
Mennirnir voru handteknir í viðamiklum aðgerðum lögreglunnar fyrr í mánuðinum, en rannsóknin snýr m.a. að framleiðslu fíkniefna og peningaþvætti. Alls voru sjö handteknir í aðgerðunum og ráðist var í níu húsleitir.
Tveir af mönnunum fjórum sem úrskurðaðir voru í gæsluvarðhald hlutu dóma í Pólstjörnumálinu svokallaða fyrir rúmum áratug.
Tengdar fréttir
Tveir hinna dæmdu í Pólstjörnumáli sagðir grunaðir í nýju fíkniefnamáli
Tveir af þeim fjórum sem nýlega voru úrskurðaðir í gæsluvarðhald í tengslum við rannsókn lögreglu á skipulagðri glæpastarfsemi, hlutu dóma í Pólstjörnumálinu svokallaða fyrir rúmum áratug.
Fjórir í gæsluvarðhaldi vegna rannsóknar lögreglu á skipulagðri glæpastarfsemi
Ráðist var í níu húsleitir en rannsókn snýr meðal annars að framleiðslu fíkniefna og peningaþvætti.
