Guardiola slær á sögusagnir um að hann sé á leið í frí
Sögusagnir hafa verið um það að Pep Guardiola, stjóri Manchester City, sé að hugsa sig um að taka frí frá fótbolta vinni hann Meistaradeildina á komandi leiktíð.
Eftir að hafa unnið ensku úrvalsdeildina tvisvar, deildarbikarinn tvisvar og enska bikarinn og Samfélagsskjöldinn einu sinni er það bara Meistaradeildin sem vantar í safnið með City.
Hinn 48 ára gamli Guardiola tók svipað frí frá fótbolta eftir að hafa hætt með Barcelona og áður en hann tók við Bayern Munchen 2013 en hann segir að svipað frí sé ekki á döfinni.
"The news comes out and many things are not true. If they do not kick me out, I'll stay there."
— Sky Sports Premier League (@SkySportsPL) June 12, 2019
„Nei. Ég er ekki að fara taka eitt ár í leyfi. Ég er ungur og hef ástríðuna. Það eru margir hlutir sem eru ekki sannir í fréttunum. Ef þeir sparka mér ekki þá verð ég þarna áfram,“ sagði Guardiola.
„Við viljum vinna Meistaradeildina því það er fallegasti hluturinn. Mikilvægast er að reyna aftur og við munum gera það. Ef okkur mistekst, þá reynum við aftur,“ sagði Spánverjinn sem var staddur á golfmóti á Spáni.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
