Ragnar hélt hreinu gegn toppliðinu

Ragnar Sigurðsson og félagar í Rostov höfðu betur gegn toppliði Zenit Petersburg á heimavelli sínum í rússnesku úrvalsdeildinni í fótbolta í dag.

Ragnar spilaði allan leikinn fyrir Rostov en Björn Bergmann Sigurðarson var ónotaður varamaður.

Eina mark leiksins skoraði Ivelin Popov á 67. mínútu úr vítaspyrnu.

Þegar ein umferð er eftir af deildinni er Zenit með öruggt forskot á toppi deildarinnar en Rostov er þægilega um miðja deild, í sjöunda sæti með 41. stig.