Innlent

Frítt í sund og Fjölskyldu- og húsdýragarðinn á sumardaginn fyrsta

Kolbeinn Tumi Daðason skrifar
Reikna má með að fólk fjölmenni í Laugardalslaug.
Reikna má með að fólk fjölmenni í Laugardalslaug. visir/rakel

Frítt verður í sundlaugar í Reykjavík og Fjölskyldu og húsdýragarðinn fyrir alla, allan daginn á morgun sumardaginn fyrsta. Þetta kemur fram í tilkynningu frá Reykjavík.



Skátarnir verða með hoppukastala og allskonar skemmtilegt skátafjör við sundlaugarnar og í Fjölskyldu- og húsdýragarðinum á eftirfarandi tímum:



Árbæjarlaug kl. 13:00-16:00

Fjölskyldu- og húsdýragarð kl. 11:00-14:00

Grafarvogslaug kl. 13:00-16:00

Breiðholtslaug kl. 10:00-12:00

Sundhöll Reykjavíkur kl. 13:00-16:00

Laugardalslaug kl. 13:00-16:00

Vesturbæjarlaug kl. 11:00-13:00



Víkingar verða með sumarhátíð í Bústaðahverfi, þar verður boðið upp á heitar pylsur, farið í skrúðgöngu, skemmtidagskrá í Bústaðakirkju og hopp og hí í félagsheimilinu Víkinni. Sjá dagskrá Sumardagsins fyrsta í Bústaðahverfi.



Í Grafarholti hefst Framhlaupið í Leirdalnum klukkan 10.00, gestir fá að spreyta sig á frisbígolfi, klukkan 11.00 verður dýrablessun í Guðríðarkirkju og 12.30 verður skrúðganga sem leggur af stað frá Sæmundarskóla, með lúðrasveit Grafarvogs og Grafarholts í broddi fylkingar.



Boðið verður upp á alls kyns skemmtiatriði í Guðríðarkirkju, Friðrik Dór tekur lagið og haldið verður bingó. Grafarholtsbúar kynnið ykkur dagskrá Sumardagsins fyrsta í Grafarholti.

Reykjavík Fjölskyldu- og húsdýragarðurinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið