Erlent

Eldri kona viður­kennir að hafa banað sjö ára dreng í Sviss

Atli Ísleifsson skrifar
Óljóst er hvort að konan hafi þekkt drenginn og er sjónarvotta leitað.
Óljóst er hvort að konan hafi þekkt drenginn og er sjónarvotta leitað. EPA/GEORGIOS KEFALAS
75 ára kona viðurkennt að hafa stungið sjö ára dreng til bana í svissnesku borginni Basel síðdegis í gær. Lögregla rannsakar málið, en ekkert hefur verið gefið upp um ástæðu árásarinnar.

Drengurinn var á leið heim úr skóla þegar konan réðst á hann. Kennari drengsins kom að drengnum þar sem hann lá særður í götunni St Galler-Ring.

Sjúkralið var kallað til en ekki tókst að bjarga lífi drengsins og var hann úrskurðaður látinn á sjúkrahúsi.

Konan gaf sig fram við lögreglu skömmu eftir árásina og viðurkenndi þátt sinn í henni. Talsmaður lögreglu segir að ekkert liggi fyrir um ástæður árásarinnar.

Basler Zeitung segir frá því í dag að konan hafi ekki þekkt drenginn, en henni hefur verið gert að gangast undir geðrannsókn.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.