Vieira: Ungir enskir leikmenn þurfa að fara erlendis

Patrick Vieira hvetur unga Englendinga til þess að fara erlendis og reyna fyrir sér þar frekar en að hætta á stöðnun við að reyna að komast í byrjunarliðin í ensku úrvalsdeildinni.

Vieira er stjóri franska liðsins Nice og hann segist myndu gefa bestu unglingum Englands tækifærið til þess að spila „karlafótbolta“ í Frakklandi samkvæmt frétt The Times.

Vieira óttast að ungir leikmenn seti peninga framar því að þróa feril sinn áfram.

Hann er ekki í vafa um það að hæfileikarnir eru til staðar í akademíunum í Englandi. Hann var sjálfur við þjálfun í akademíu Manchester United á árunum 2013-2105 og eru njósnarar Nice að fylgjast með nokkrum ungum og efnilegum enskum leikmönnum.

Nýlega ætlaði Nice að fá til sín 17 ára leikmann en hann var á 600 þúsund punda árslaunum og vildi því ekki færa sig yfir til Frakklands.

„Vandamálið við að vera áfram á Englandi er að U23 deildin er ekki nógu góð fyrir marga þeirra. Þessir krakkar þurfa að spila í bestu deildum Evrópu. Þegar þú spilar tvö, þrjú ár í U23 deildinni þá missir þú áhugann og hættir að bæta þig. Þá er orðið of seint,“ sagði Vieira.

„Of margir ungir leikmenn detta úr lestinni því þeim vantar áskorun.“