Liverpool með sex stiga forskot á toppnum Anton Ingi Leifsson skrifar 26. desember 2018 16:45 Liverpool fagnar fyrsta markinu í dag. vísir/getty Liverpool er komið með sex stiga forskot á toppi ensku úrvalsdeildarinnar eftir þægilegan 4-0 sigur á Newcastle á Anfield. Fyrsta markið kom strax á elleftu mínútu er Dejan Lovren kom þeim yfir með þrumuskoti eftir að boltinn féll til hans eftir hornspyrnu. Þannig stóðu leikar allt þangað til í upphafi síðari hálfleiks er Mohamed Salah skoraði úr vítaspyrnu sem hann fiskaði sjálfur. Ódýr vítaspyrna en Graham Scott, dómari leiksins, var í engum vafa. Xherdan Shaqiri skoraði þriðja markið ellefu mínútum fyrir leikslok og varamaðurinn Fabinho skoraði fjórða og síðasta markið fimm mínútum fyrir leikslok. Man. City tapaði fyrir Leicester á sama tíma svo Liverpool er komið með sex stiga forskot á toppi deildarinnar. Newcastle er í fimmtánda sætinu. Enski boltinn
Liverpool er komið með sex stiga forskot á toppi ensku úrvalsdeildarinnar eftir þægilegan 4-0 sigur á Newcastle á Anfield. Fyrsta markið kom strax á elleftu mínútu er Dejan Lovren kom þeim yfir með þrumuskoti eftir að boltinn féll til hans eftir hornspyrnu. Þannig stóðu leikar allt þangað til í upphafi síðari hálfleiks er Mohamed Salah skoraði úr vítaspyrnu sem hann fiskaði sjálfur. Ódýr vítaspyrna en Graham Scott, dómari leiksins, var í engum vafa. Xherdan Shaqiri skoraði þriðja markið ellefu mínútum fyrir leikslok og varamaðurinn Fabinho skoraði fjórða og síðasta markið fimm mínútum fyrir leikslok. Man. City tapaði fyrir Leicester á sama tíma svo Liverpool er komið með sex stiga forskot á toppi deildarinnar. Newcastle er í fimmtánda sætinu.