Ungstirnið hjá City skrifar undir sex ára samning

Ungstirnið í stjörnuprýddum leikmannahópi Manchester City, Phil Foden, hefur skrifað undir nýjan samning við ensku meistarana.

Samningur Foden gildir til ársins 2024 og er hann sagður fá 30 þúsund pund á viku sem jafngildir tæpum fimm milljónum króna.

Foden er fæddur árið 2000 og er því einungis átján ára gamall en hann varð fyrsti leikmaðurinn sem er fæddur á þessari öld til þess að leggja upp mark í ensku deildinni.

Foden hefur komið upp í gegnum unglingastarfið hjá Manchester City því þar hefur hann verið síðan hann var níu ára gamall. Hann lék sinn fyrsta leik fyrir City í nóvember í fyrra gegn Feyenoord.

He's one of our own… and that's the way it's staying!@philfoden has today signed a new deal at the Club keeping him a #mancity player until 2024!

STORY: https://t.co/zjd9VfLXlf pic.twitter.com/kqnczyVMao

— Manchester City (@ManCity) December 10, 2018