Sjúkraflutningamenn voru kallaðir út á sjötta tímanum í dag vegna slyssins. Vísir/Vilhelm
Á sjötta tímanum voru sjúkraflutningamenn kallaðir út í uppsveitir Árnessýslu eftir að tilkynning barst um alvarlegt vinnuslys. Þar féll stálbiti ofan á mann.
Upplýsingar um meiðsli liggja ekki fyrir en samkvæmt upplýsingum fréttastofu var þyrla Landhelgisgæslunnar send öðru sinni á Suðurland í dag vegna slyss. Verður maðurinn fluttur á slysadeild Landspítalans í Fossvogi.
