Gylfi: Velti því fyrir mér hvort að þetta væri einn af þessum dögum

Gylfi Þór Sigurðsson tryggði Everton fimmta sigurinn í síðustu sjö leikjum þegar hann skoraði eina mark leiksins í 1-0 sigri Everton á Cardiff City á Goodison Park.

Gylfi hefur skorað fimm mörk í þessum sjö síðustu leikjum og gefið eina stoðsendingu að auku. Hann er því heldur betur að sanna mikilvægi sitt fyrir Everton liðið.

Everton birti viðtal við Gylfa á Twitter-síðu sinni eftir leikinn en viðtalið má sjá hér eða hér fyrir neðan.

| Patience was the , says Gylfi.

7️ goals for the season already. How many can he get? #EFC

— Everton (@Everton) November 25, 2018

„Við vissum að við yrðum að vera þolinmóðir. Við áttum fullt af skotum og fullt af fyrirgjöfum en þegar varnarmaðurinn þeirra bjargaði á línu þá velti maður fyrir sér hvort að þetta yrði einn af þessum dögum,“ sagði Gylfi.

„Við héldum samt alltaf áfram, vorum að skapa færi og setja pressu á þá. Þetta var ekki fallegasta markið sem við höfum skorað á tímabilinu en það var mjög mikilvægt,“ sagði Gylfi.

„Þegar leið að lokum leiksins þá spilaði frábæran varnarleik,“ sagði Gylfi en Everton hélt marki sínu hreinu annan leikinn í röð. Liðið gerði markalaust jafntefli við Chelsea á Stamford Bridge í síðasta leiknum fyrir landsleikjahlé.

Það má sjá markið hans hér fyrir neðan.