Fótbolti

HM í Katar í hættu?

Anton Ingi Leifsson skrifar
Infantino er forseti FIFA.
Infantino er forseti FIFA. vísir/getty

Gianni Infantino, foresti FIFA, segir að ef fjölgað verði úr 32 í 48 lið á HM verði mótið áfram spilað á 28 dögum.

FIFA mun taka ákvörðun í mars hvort að það verði fjölgað úr 32 í 48 lið en fari svo að liðin verði 48 þarf að spila sex leiki á ákveðnum leikdögum dögum til þess að geta klárað leikina 80 á tilsettum tíma.

HM fer fram í Katar 2022 og hefur nú þegar verið staðfest að það muni fara fram í nóvember og desember. Deildirnar í Evrópu hafa þvertekið fyrir það að FIFA fái fleiri daga í kringum þetta mót svo FIFA er í bobba.

Infantino sagði í samtali við fjölmiðlamenn að þeir gætu ekki lengt mótið og sagði að spila fleiri en einn leik á sama tíma væri ekki góð hugmynd.

Fari svo að fjölgað verði í 48 lið ræður Katar að öllum líkindum ekki við að halda mótið eitt og sér. Infantino segir að það eru litlar líkur að hægt sé að halda mótið í Katar og löndunum þar í kring.

Það verður því fróðlegt að fylgjast með framvindu mála.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.