Mendy sviptur ökuréttindum í eitt ár

Benjamin Mendy var sviptur ökuréttindum í ár eftir að hafa verið tekinn fyrir hraðaakstur fjórum sinnum á tveimur vikum.

Bíll Mendy var fjórum sinnum á tveggja vikna tímabili tekinn af hraðamyndavélum. Mendy sagðist ekki hafa verið að keyra bílinn en neitaði að bera kennsl á ökumanninn. Við það var málinu vísað fyrir dómstóla.

Þar voru dæmdir 24 punktar á ökuskírteini hans, sex fyrir hvert brot, og var hann sektaður um 2500 pund.

Mendy var ekki viðstaddur þegar málið var tekið fyrir rétt í dag.