Ármann verður áfram bæjarstjóri í Kópavogi
Framsóknarflokkurinn og Sjálfstæðisflokkurinn í Kópavogi hafa komist að samkomulagi um myndun meirihluta fyrir komandi kjörtímabil. Málefnasamningur verður kynntur fyrir fulltrúaráðum flokkanna annað kvöld, að því er fram kemur í tilkynningu um meirihlutasamstarfið sem Ármann Kr. Ólafsson, oddviti Sjálfstæðismanna, sendir fjölmiðlum.
Þar kemur fram að Ármann Kr. Ólafsson verður áfram bæjarstjóri og Birkir Jón formaður bæjarráðs.
Framsóknarflokkurinn hlaut 8,2% atkvæða en Birkir Jón Jónsson komst einn frambjóðenda Framsóknar inn í bæjarstjórn Kópavogs. Sjálfstæðisflokkurinn með Ármann Kr. Ólafsson, oddvita Sjálfstæðisflokksins og bæjarstjóra Kópavogs, í broddi fylkingar hlaut 36,1% atkvæða og fékk 5 menn kjörna.
Á síðasta kjörtímabili var Sjálfstæðisflokkurinn í meirihlutasamstarfi með BF Viðreisn en þrír bæjarfulltrúar Sjálfstæðisflokksins lýstu yfir efasamendum um áframhaldandi meirihlutasamstarf með BF Viðreisn.
Tengdar fréttir
Viðræður fara vel af stað í Kópavogi
Birkir Jón Jónsson, oddviti Framsóknarflokksins, segir formlegar viðræður Sjálfstæðisflokksins og Framsóknar fara vel af stað.
Ármann boðar bæjarfulltrúana á sinn fund: „Ég hef átt gott samstarf við Theodóru“
Ármann Kr. Ólafsson bæjarstjóri ætlar að funda með sínum samflokksmönnum í dag.
Lýsa yfir fullu trausti til Ármanns en efast um samstarf við BF Viðreisn
Þrír bæjarfulltrúar Sjálfstæðisflokksins í Kópavogi hafa lýst yfir fullu trausti til Ármanns Kr. Ólafssonar, núverandi bæjarstjóra og oddvita flokksins í Kópavogi. Segja þau hann hafa óskorað umboð til meirihlutaviðræðna við aðra flokka í bænum.
