Boðað til neyðarfundar hjá Sameinuðu þjóðunum
Boðað hefur verið til neyðarfundar hjá Sameinuðu þjóðunum vegna loftárása vesturveldanna þriggja; Bandaríkjanna, Bretlands og Frakklands á borgir í Sýrlandi í nótt. Fundurinn er að beiðni rússneskra yfirvalda og fer fram síðdegis. The Guardian segir frá þessu.
Vladímír Pútín, forseti Rússlands, sagði árásirnar bæta gráu ofan á svart og þá sakar hann ríkin þrjú um ofbeldi.
Assad segist tvíelfdur
Bashar al-Assad, forseti Sýrlands, segir að loftárásir vesturveldanna hafi orðið til þess að Sýrlendingar séu nú tvíelfdir í baráttu sinni gegn hryðjuverkum og þá sakaði hann Bandaríkin, Bretland og Frakkland um að vera bandamenn hryðjuverkamanna í Sýrlandi. Assad hringdi í morgun í Hassan Rouhani, forseta Írans. Rouhani fordæmdi árásirnar og sagðist styðja Assad.
Rannsókn á efnavopnaárásinni heldur áfram
Í tilkynningu frá Efnavopnastofuninni í Haag (OPCW) segir að rannsókn haldi áfram á meintum efnavopnaárásum Sýrlandsstjórnar þrátt fyrir loftárásir vesturveldanna.
Tengdar fréttir
Bandaríkin, Bretar og Frakkar gera árásir á Sýrland
Donald Trump, forseti Bandaríkjanna, hefur ákveðið að gera árás á stjórnarher Bashar al-Assad, forseta Sýrlands, vegna efnavopnaárásarinnar í Douma.
Pútín fordæmir loftárásirnar harðlega, May segir þær löglegar
Forseti Rússlands segir að efnavopnaárásin í Douma hafi verið sett á svið og notuð sem átylla fyrir árásum vestrænna ríkja.
Utanríkisráðherra: Skilaboð árásanna í Sýrlandi skýr
Guðlaugur Þór segir að loftárásir Bandaríkjanna, Bretlands og Frakklands í nótt skiljanlegar en harmar að diplómatísk lausn hafi ekki fundist áður.
