Berbatov hraunar yfir þjálfunaraðferðir David James

Óhætt er að segja að Dimitar Berbatov segi farir sínar ekki sléttar af dvöl sinni undir stjórn David James hjá indverska knattspyrnuliðinu Kerala Blasters. Aðstoðarþjálfari James er Hermann Hreiðarsson.

Tímabilið er búið hjá liðinu þar sem það komst ekki í úrslitakeppnina en Kerala Blasters hafnaði í 10.sæti deildarinnar.

Berbatov, sem gerði garðinn frægan meðal annars með Man Utd, Tottenham og Bayer Leverkusen, átti að vera í lykilhlutverki hjá liðinu en skoraði aðeins eitt mark.

Á meðal liðsfélaga Berbatov hjá Kerala Blasters voru Guðjón Baldvinsson og Wes Brown.

Hann er nú kominn heim til Búlgaríu og var vart sestur upp í flugvél þegar hann sendi fremur harkaleg skilaboð frá sér á Instagram síðu sinni þar sem hann segir þjálfunaraðferðir James vera þær verstu sem hann hafi kynnst á sínum ferli. Myndina má sjá hér að neðan.

Ólíklegt verður að teljast að Berbatov snúi aftur til Kerala Blasters því félagið tilkynnti í dag að James hefði skrifað undir nýjan samning og mun hann því halda áfram að þjálfa liðið.

Very interesting news from Dimitar Berbatov about David James this is a player that has been managed by some of the best managers in the world if you want to get the best out of a player play to their strengths pic.twitter.com/TRiMNv51ow

— Michael Chopra (@MichaelChopra) March 4, 2018