Aston Villa vann borgarslaginn | Birkir kom inná

Birkir Bjarnason lék síðustu mínúturnar í 2-0 sigri Aston Villa á grönnum sínum í Birmingham en með sigrinum komst Aston Villa í 2. sæti deildarinnar.

Það var lítið sem gerðist í fyrri hálfleiknum og tókst hvorugu liðinu að skora og því var fóru liðin jöfn inn í leikhléið.

Í seinni hálfleiknum byrjaði heimaliðið að taka völdin á vellinum og sköpuðu sér nokkur marktækifæri. Albert Adomah skoraði úr einu slíku á 60. mínútu og kom sínum mönnum í forystu.

Conor Hourihane skoraði síðan annað mark Aston Villa á lokamínútunum og gerði út um leikinn.

Birkir Bjarnason kom inná fyrir Jack Grealish á 84. mínútu en hann var tekinn úr byrjunarliðinu fyrir þennan leik.