Chelsea þurfti vítaspyrnukeppni til að slá út Norwich

Chelsea þurfti vítaspyrnukeppni til þess að slá Norwich út úr þriðju umferð enska bikarsins. Þetta var endurtekinn leikur, en fyrri leiknum lauk með markalausu jafntefli. Chelsea því komið í fjórðu umferðina.

Michy Batshuayi kom Chelsea yfir á 55. mínútu, en það var á síðustu mínútur uppbótartíma þegar Jamal Lewis jafnaði metin og því þurfti að framlengja.

Í framlengingunni fengu tveir leikmenn Chelssea rauða spjaldið, en þeim Pedro og Alvaro Morata var hent í sturtu. Ekkert mark var skorað í framlengingunni svo úrslitin réðust í vítaspyrnukeppni.

Í henni reyndist Willy Caballero hetjan, en hann varði víti frá Nelson Oliveira.

Wigan gerði sér lítið fyrir og henti úrvalsdeildarliði Bournemouth úr keppni, en lokatölur urðu 3-0. C-deildarlið Wigan gerði út um leikinn í síðari hálfleik.

Swansea lenti í smá vandræðum gegn Wolves á heimavelli, en náði að endingu að tryggja sér sæti í næstu umferð. Wilfried Bony skoraði sigurmarkið tuttugu mínútum fyrir leikslok.

Búið er að draga í næstu umferð. Swansea spilar gegn Notts County, Wigan spilar við West Heima og Chelsea fær Newcastle heim. Leikirnir fara fram helgina 27.-28. janúar.

Úrslit og markaskorar:

Chelsea - Norwich 6-4 (eftir vítaspyrnukeppni)

1-0 Michy Batshuayi (55.), 1-1 Jamal Lewis (90.).  
Vítaspyrnukeppni: 5-3

Wigan - Bournemouth 3-0

1-0 Sam Monsy (9.), 2-0 Daniel Burn (73.), 3-0 Callum Elder (76.).

Swansea City - Wolves 2-1

1-0 Jordan Ayew (11.), 1-1 Diogo Jota (66.), 2-1 Wilfried Bony (69.).