Verkfall flugmanna írska lággjaldaflugfélagsins Ryanair í fimm Evrópulöndum hefur leitt til þess að einni af hverjum sex ferðum félagsins hefur verið aflýst í dag.
Um fimmtíu þúsund farþegar áttu bókað í ferðunum sem hafa verið felldar niður, að sögn breska ríkisútvarpsins BBC.
Flugmenn félagsins í Þýskalandi, Svíþjóð, Írlandi, Belgíu og Hollandi hófu sólahringsverkfall í dag til þess að krefjast bættra kjara og aðstæðna. Talsmenn flugfélagsins segir að það reyni hvað það geti til þess að ná sátt í deilunni.
Þeir segja jafnframt að 85% af ferðum félagsins á morgun gangi eftir áætlun. Meirihluti farþega í þeim ferðum sem hafa verið felldar niður hafi verið komið í aðrar ferðir á vegum félagsins.
Ferðir Ryanair falla víða niður vegna verkfalls flugmanna
Tengd skjöl
Tengdar fréttir
Blæddi úr eyrum farþega Ryanair
Flugvél Ryanair á leið frá Dyflinni til Króatíu neyddist til að lenda í Frankfurt eftir að þrýstingur féll í farþegarými með þeim afleiðingum að blæddi úr eyrum sumra farþega.
Dómur í máli Ryanair gæti verið fordæmisgefandi fyrir íslenska flugliða
Nýlegur dómur Evrópudómstólsins í máli írska lággjaldaflugfélagsins Ryanair gefur góð fyrirheit um réttarstöðu flugliða hér á landi.
Aflýsa allt að 50 flugferðum á dag til að bæta stundvísi
Ákvörðunin gæti haft áhrif á yfir 285 þúsund farþega.
