Pepe til Besiktas

Portúgalski miðvörðurinn Pepe hefur samið við tyrkneska stórliðið Besiktas.

Pepe, sem er 34 ára gamall, fékk ekki nýjan samning hjá Real Madrid eftir síðasta tímabil og var því frjálst að semja við annað félag.

Pepe lék með Real Madrid í áratug og á þeim tíma vann hann spænska meistaratitilinn í þrígang og Meistaradeild Evrópu þrisvar sinnum. Pepe spilaði alls 334 leiki fyrir Real Madrid og skoraði 15 mörk.

Pepe er fæddur og uppalinn í Brasilíu en fékk portúgalskan ríkisborgararétt árið 2007.

Hann hefur leikið 86 landsleiki fyrir Portúgal og var í lykilhlutverki í portúgalska liðinu sem varð Evrópumeistari síðasta sumar. Pepe var m.a. valinn maður leiksins í úrslitaleik EM gegn Frakklandi,

Together, we shall be stronger!#Beşiktaş pic.twitter.com/pWTxmTNhxm

— Beşiktaş JK English (@BesiktasEnglish) July 4, 2017