Jesus sá besti síðan Messi birtist

Gabriel Jesus er besti ungi fótboltamaðurinn sem sést hefur síðan Lionel Messi birtist fyrst. Þetta segir sérfræðingur BBC Sport, Danny Murphy.

Jesus skoraði tvö marka Manchester City í stórsigrinum á Stoke um helgina.

„Hann elskar að skora mörk og er alltaf á réttum stað á réttum tíma,“ sagði Murphy í uppgjörsþættinum Match of the Day.

„Snertingar hans eru góðar, hann er með gott jafnvægi og hugrakkur á boltanum. Hann er snöggur, hann er með góðan vinstri fót og heimtar boltann.“

„Ég myndi ganga svo langt að segja að hann sé besti ungi leikmaðurinn sem ég hef séð síðan Messi var ungur.“

„Ég er ekki að segja að hann sé eins góður og Messi, en síðan Messi birtist. Hann er nýorðin tvítugur og algjörlega frábær,“ sagði Danny Murphy.